HAZRAT UMAR FAROOQ R.A K ISLAM LAANEY KA WAQIA(QISSA);
Hazrat Umar Farooq R.A k islam laany ka waqia bhi bara Dil chasp hy. Ek Roz kufaar e Makkah ne jalsa Kiya,Abu jehl ne unn se Poochha k Aap mein se kon hy Jo Rasool Kareem ka sir laye ga. Iss per Hazrat Umar Farooq ne khud ko Pesh Kiya, chunacheh ek Roz issi irady se talwar haath mein ly kr Rasool Kareem ki Taraf chly.
Rasty mein ek Shakhs se mulaqat hui,uss ne aap k tever dhek kr Poochha Umar kher to hy?
Jawab Diya Muhammad(ﷺ) ka faisla krne jaata hun, نعوذ بااللہ
Uss Shakhs ne kaha pehly apne ghar ki khabar lo Tumhari behn aur behnui donoon Islam laa chuky hein,ye Baat sun kr Hazrat Umar Farooq ne nihayat ghusy mein behn k ghar ka rukh Kiya,Jab aap apni behn k ghar pohnchy to wo Quran ki tilawat kr rhi then,aahat paa kr chup ho gayeiin aur Quran k ijza chhupa liye,Lekin tilawat ki awaz Hazrat Umar Farooq k kaanon Tak path chuki thi.
Behn se Poochha ye kaisi awaz thi,Behn ne kaha kuch NHI
Aap ne kaha mein sunn chuka hun k aap donoon murtid ho chuky ho.
Iss k baad donoon ko bahut mara peeta,Aap ki behn ne apne shohar ko bachane ki koshish ki. iss koshish mein unehn khasi chotein saying,wo laho lahan ho gayeiin Lekin bolein bhaii mar dalo parwah NHI hum Islam NHI chhorein gy.
Behn ka azm dhek kr Umar Farooq narm parh gaye, aur behn se kaha achha dhekhao to shi Kya parh rhy thy, behn ne kaha pehly wozoo kr keh khud ko paak kro,chancheh aap ne aisa hi Kiya,behn ne Quran paak k ijza utha kr saamney rakh diye utha kr dheka to wajad mein aa Hy aur be ikhtiyar pulsar uthy waqehi ye kisi bande ka kalam NHI hy,ye keh kr islam QABOOL krne ki khwahish se wahan se nikal khary hue.
Uss waqat Hazrat Muhammad (saw) koh e safa k Daman mein Hazrat arqam k ghr mein tashreef FARMA thy, Hazrat Umar Farooq wahan gy aur darwaze per dastak dui,sahaba ne dheka k Umar Farooq hein aur talwar haath mein hy,iss liye wo fiqar mand hue. Hazoor nabi Kareem k chacha Hazrat Hamza ne kaha aany do islam qabool krne aaya hy to theek warna issi talwar se Sr kalam kr doon ga, Darwaza khola gya Hazrat Umar Farooq andr aye to aanhazrat ne Poochha" Umar kis irady se Aaye ho" Jawab Diya"islam qabool krne" ye sun kr hazoor nabi Kareem saw ne Allah o AKBAR ka nara lgaya. Hazrat Umar Farooq k musalman ho jany se islam ko barhi taqwiyat mili aur mushrekeen mein ek hangama barpaa ho gya.
Hazrat Umar Farooq k musalman hone se pehly aghrcheh 40 k qareeb ifraad islam qabool kr chuky thy Lekin wo bari be basi k aalaam mein zindagi basr kr the thy,wo na to aelaniya mazhabi faraiz injaam de skty thy aur na khud ko musalman zahir kr skty thy,Lekin Hazrat Umar Farooq ne mushrekeen e Makah ko jama KR keh aelaniya apne islam ka izhaar Kiya aur musalmanoon ko saath ly kr khana kaaba mein jaa kr jamat k saath namaz ada ki, Hazrat Umar Farooq ki iss jurat ne haq aur batil mein farq zahir kr Diya,huzoor nabi Kareem saw ne aap ko "Farooq" yeni darq krna wale ka laqab ata farmaya.
Hijrat;
Musalmanoon per kufar e Makah k jab zulm o sitam had se barh gaye to Allah k hukam se musalmanoon ko Madeena ki Taraf hijrat ki ijazat mili,Siwae Hazrat Umar Farooq k TAMAM musalmanoon ne chhup kr hijrat ki,Lekin Hazrat Umar Farooq wo wahid musalman thy jinhoon ne elaniya hijrat ki.
Aap ne bari Shaan se apni Talwar gly mein ltkaii,kaman khandhy per ek haath mein teer ly kr khana kaaba mein Aaye.Nihayat itmenan se 7 baar khana kaaba ka tawaf Kiya aur maqam e ibrahim per 2 rakat namaz parhi,iss k baad quraish k srdaroon se mukhatib hue
" Mein Aaj Hijrat Kr Rha Hun,Aghr Kisi Mein Taqat Hy To Aye Mujhy Roke" Lekin kisi ko rokne ki jurat na hui aur Aap Madeena rawana ho gy.
Aap Ki Zindagi;
Aap bare Aalim,Mutaqi,Muhadis aur parhez gaar thy, AanHazrat farmaty thy k aghr mere baad koi nabi hota to wo Umar hi hota.Aap Azeem islami saltanat k hukamraan hone k bawajood bari Sada zindagi basr krty thy,Aap ka libaas,khorak aur rihaish waghera bahut sada then,Jab kanji kaheen aram krne latety to apna bazoo ya eint waghera tamiya k tor per istemal krty.
Wafat;
Hazrat Umar Farooq RA 10 Saal Tak musalmanoon k khaleefa rhy,Detox naami ek majoosi k hathoon 23hijri mein 63 Saal ki Umr mein Shaheed hue. Aap bhi Huzoor Nabi Kareem saw k qareeb dafan kiye hy
BOOK NAME; "KHULFAYE RASHEDIN"
AUTHORS(MUSANEFEEN):
1. NISAR AHMAD
2. MUHAMMAD ZUBAIR MANGLORI
MUDEER:
D/C MUMTAZ MANGLORI
-------------------------------
Click the Button Below to Download the File.
Tutorial
0 Comments